කැඩුනොත්.....කැඩුනමයි.....

දැන් හරිද...

ම්ම්ම්...තාම නෑ වගේ....
අනේ කොහොම හරි හදාගම්මු...

හ්ම්...

'හ්ම්' නෙවෙයි..මොකද්ද අනේ...

බලන්න දැන් හරිද කියලා....

බෑ බෑ...මට ඉස්සර වගේ ඕනි...

ඉස්සර කිව්වේ...????

ඉස්සර කිව්වෙ..අපි දෙන්න හම්බවෙච්ච මුල් කාලේ...
ඒ කාලෙ අපි දෙන්න කොච්චර ආදරෙන් හිටියද...

ඒ ඉතින් ඒ කාලෙනෙ....

ඒ කියන්නෙ දැන් බැරිද...

හරි හරි කතාව නවත්තල බලන්න දැන්වත් ඕක හරිද කියලා....

නෑ අනේ...චුට්ටක් ඇදයි වගේ...

මගුල...හරියට මම කැඩුව වගේ..කැඩුවෙ ඔයා...හදන්න ඕනි මම....@#%

හරි හරි සුදූ...මම තමයි කැඩුවෙ..ඒත් ඔයා කොහොම හරි ඕක හදාගන්නකෝ...

මම මේක කොච්චර ආදරෙන්ද පරෙස්සම් කලේ...ඒත් ඔයා ඒක කැඩුවා...
දැන් කොච්චර හැදුවත් මුලින් තිබුණු ගානට ගන්න බෑ...

බලන්න...මම කොච්චර මේක බැලන්ස් කරන්න හැදුවත් බැලන්ස් වෙන්නෙ නෑනෙ...
ඉස්සරනම් මෙකට මෙහෙම උනේ නෑ..තිබ්බ විදිහටම හිටියා...මේ වගේ හතරවටේට හැරුනෙ නෑ...

ඉතින් ඒකට මමද පලි...ඔයානෙ මේකට මේවා පුරුදු කලේ..මමයෑ...ඔයා වගේ තමයි මෙයත් හැදුනේ...
දැන් මම කොච්චර එපා කිව්වත්..හැම පැත්තටම හැරෙනවා....

බෑ බෑ...මට එහෙම ඕනි නෑ...මට ඕනි ඉස්සර වගේ මේක මං වෙනුවෙන්ම ඉන්න...

එහෙම නං ඉතින් මැරිල ඉපදෙන්න වෙයි..මොකෝ ඔයාට ඕනි ඕනි විදිහට හැදෙන්න මේක සෙල්ලම් බඩුවක්යෑ...

අනේ ඔච්චර කේනති ගන්න එපා...ඉස්සරනම් ඔයා ඔහොම නෑ...ඔයා ගොඩක් වෙනස් වෙලා...
අනේ අපි ආයිත් මුල ඉදන් පටන්ගම්මු..ඔයා මාත් එක්ක ඉන්නවා නේද...???

හරි මම කොහොමහරි ඔයත් එක්ක හිටිය කියමුකෝ..ඒත් මෙයා ඉදියිද...????

මම එයාවත් කොහොමහරි මගෙ ගාවට ගන්නම්කෝ....

ඔයාට මතකද ඒ කාලේ..මෙයා ඔයා වෙනුවෙන් කොච්චර දෙවල් කලාද...
ඒත් ඔයාට ගානක් තිබුනද..?? ඒ කාලෙ ඔයාට මෙයාල ගොඩක් හිටියා....ඒ හින්දා ඔයාට මේවයෙ කිසි වටිනාකමක් තිබුනෙ නෑ...
මෙයා ඔයා හින්ද ගොඩක් දුක් වින්දා...කිසි තෙතමනයක් නැති ඔයා වගේ කෙනෙක් වෙනුවෙන් මෙයා එයාගෙ හැම අංශුවක්ම වෙන් කලා...ඒත් ඔයා...මුළු ලෝකෙම ඉස්සරහා බොරුකාරයෙක්...පිස්සෙක්...මෝඩයෙක්...සල්ලාලයෙක් ගානට දැම්මෙ..
අද ඔයාට කවුරුත් නැතිවෙනකොට ඉස්සෙල්ලම මතක් උනේ මෙයාව...
දැන් ඔයා මෙයාට කියනවා ඉස්සර වගේ ඉන්නලු....

අනේ මට සමාවෙන්න...ඔයාට ඕනි ඕවා කියලා  වැටිල ඉන්න මාව තවත් වට්ටන්නද...දැන් ඔය කතාව නවත්තන්න...
අනේ ප්ලීස්...කොහොමහරි අපි මේක හදා ගන්න බලමු....

ඔයාට පේනවනේ..මෙයා අදටත් ඔයා වෙනුවෙන් ඉන්නවා....ඒත් මම හිතන්නෙ නෑ..ඉස්සර වගේමනම් පුළුවන් වෙයි කියලා...

මට කියන්න...ඔයා මට සමාව දෙනවා නේද....

මම දෙයි...ඒත් මෙයා...මෙයා දෙයිද....අහල බලන්න මෙයාගෙන්ම....

අනේ....කොහොමහරි....මම වෙනුවෙන්...

මට සමාවෙන්න..ඒත් මම හිතන්නෑ මෙයාට එදා වගේම ඉන්න පුළුවන් වෙයි කියලා...

*
*
*
*
*

සිතක් බිදුණු පසු කොතෙක් කලත් ඔසු පලක් නොවේ ලදුනේ....ඉතින් තවත් කල් රැදී පලක් නෑ ඔබ මගේ සෙවනේ....    

අහල බලනවනම්.......

ප.ලි :- හපුච්චියේ ඔන්න මේක මට වෙච්ච දෙයක්නම් නෙවෙයි...
           ඔය උඩ තියන සින්දුව අහනකොට නිකමට වගේ හිතුන දෙයක්...