ඒ ඇරඹුනේ තවත් එක් කුජීත යුගයක්ය...

ඉතින් ඒ අඳුරු මූසල ගුප්ත රාත්‍රියේ අවසානය කරා එලෙඹෙන විට ඈත පෙර දිගින් සූර්යාලෝකය පතිත වීමට පටන් ගත්තේ එතැන් පටන් උදාවන නව ලෝකයට , නව ජීවයට හිරුගේ ඇති ශක්තියත් සඳුගේ ඇති සිසිලසත් ලබා දෙමින් මේ ලෝකයට නව යුගයක් උදා කරන්නටය. මෙතෙක් කලක් තිබූ ඒ මාන්දමික යුගයේ අවසානය එතනදී සිදුවිය.


උදෑසණ හිරු කිරණින් පිබිදෙමින් තිබූ තුත්තිරි ගස් වල මල් වෙනදාටත් වැඩියෙන් පිපෙන්නට වෙර දරන්ට විය. අලුත උපන් වහු පැටවකු වල්ගය උස්සාගෙන එලෝ මෙලෝ නැතුව හතර අතේ දිව ගියේ මේ සිදුවූ සැබෑ වෙනස වටහා ගැනීමට නොහැකිවය...දිවා රෑ මාරු වූ වවුලෙකු කෑම සොයාගෙන උදෑසනම ඇවිද ගියේ තාමත් රෑ කියා සිතාගෙනය. උරුලෑවියක සමග පෙම් කෙලමින් සිටි උරුලෑවෙකුට සිය පෙම්වතිය පවා අමතක වූයේ මල් වැස්සක් සමග උදාවූ දේදුන්නක් දැකීමෙනි. මුළු ලෝකයම සිසාරා හාමා ගිය සිහිල් සුලං රැල්ලෙන් කුල්මත් වූ ගැඩවිලෙකු පොලොව හාරගෙන හාරගෙන ගියේ ඇතිවූ පට්ට ආතල් එක වාවාගත නොහැකිවය. නාසා ආයතනයේ පවා තිබූ සන්නිවේදන උපකරණ වල සටහන් වූයේ ලෝකයේ කොහේ හෝ කොනක , ගල් පර්වතයක , වන දුර්ඝයක , සත්තු වත්තක , පිස්සන් කොටුවක කුමක් නමුත් අසිරිමත් සිදුවීමක් සිද්ධ වූ බවයි. 

ලෝකයේ බලවත් රටවල් පවා සමුළු සාකච්චා පැවැත්වූයේ මේ නව වෙනස කුමක්ද යන්න සෙවීමටය. ජාවා සුමාත්‍රා පැත්තේ සිටි ගල් ඉබ්බන් තම කටු කරා ඇදුනේ අදනම් සුනාමියක් එනවායැයි ඔට්ටු තබමිනි. ලෝකයේ දස අත විසිරී පැතිරී සිටි හුදී ජනයා රොක් වෙවී පොර කකා බත් නොකා ඇදී ආවේ සිත්තුල ඇතිවූ පහන් සංවේගය දුරු කරවාගෙන සිත් සතුටින් විසිර යාමටය. අයාලේ ගිය වැස්සියකට සිය සහකරුවා හමු වූයේ මේ නව යුගයේ ප්‍රථම සුබ කටයුත්ත ලෙසය. කිමද මේ අරුමේ මට නොහැගේ සුදු මැණිකේ කියන්නා වාගේ එහෙන් මෙහෙන් පැමිණි චිම්පන්සින් බලා සිටියේ අලේ වල්ලල්ලෑ එල්ලෙන්න වැල් නෑ කියන්නා සේය. අපි අහුවෙයි ඔව්වට අපි ටිංකිරිත් නාගෙන කන්නේ කියන බකමූණන් එදා මෙදා තුර කඳුලට විවරවු දෑස් පියන් පත් කවුලු වසා නොදොඩා නොබලා සිටියේ ඇති වූ ිලිලැජ්ජාව කෙසේ වසාගනිමිදැයි කල්පනා කරමිනි.

ඉතින් ලෝකයේ සිදුවූ මේ සිදුවූ සියලු විපර්යාසයන් සිදුවූයේ ඒ සොඳුරු දිනයේ සිටය. ඒ සොඳුරු සිදුවීමේ සිටය. කුමක්ද ඒ සිදුවීම..මෙච්චර වැල් වටාරම් මොලේ කොලොප්පන් වෙන සුදුවීම් මැද සිදුවූ ඒ අති බිහිසුනු හද නලවන හලි හුලතල් මවිල් කෙලින් වෙන සිදුවීම කුමක්ද..?? එය නම් මෙයට හරියටම අවුරුදු 23ක් වැනි ඉතාමත් නුදුරු අතීතයේ නොඑසේනම් එකදාස් නමසිය අසු නමයේ අද වගේ දවසක සිදුවූවා යැයි මහා වංශයේ, ගුත්තිල කාව්‍යයේ,එදා හෙලදිවේ, දණ්ඩ නීති සංග්‍රහයේ පවා ලියවී ඇති තරුවා නොහොත් මා නම් ඒ දැවැන්ත පුරුස රත්නයේ මෙලොවට ආගමනයයි. ඉතින් ඒ සොඳුරු මොහොතේ උදාව වෙනුවෙන් මං ගානේ ඔයාලා හැමෝටම...

**

**

**

**

**

**

**

**

**

**

**

**

**

**

**

**

**

**

**

**

**

**

**

**

**

**

**

**

**

**

**

**

**

**

**

**

වාං පාටියක්.........!!!!

හුරේයා...මට ජය වේවා..............!!!

චියර්ස්ස්ස්ස්ස්සස්ස්ස්ස්සස්ස්ස්ස්ස්!!!

ප.ලි:-
බොහොම කාලෙකින් මේ පැත්තට ආවේ.තරුවා මේ දවස් වල පස්ටස් වෙන්ඩ බිසීලුනේ ඈ..වර්ල්ඩ් කප් එකෙන් පස්සේම එන්නම් ආයිත්. මේ දවස්වල කියවන්න බැරි වෙච්ච බ්ලොක් ගැන එහෙම සාතිසය කණාටුවත් එක්කම සමාව ඉල්ලනවා ඕං පුළුවන් විදිහකින් හැම එකටම එන්නම් ඈ...එහෙනම් මට සුභ උපන්දිනයක් වේවා ඈ...