නැන්දාට වෙඩිමක්......!!!

අල්ලපු ගෙදර ඉන්නවා අපෙ
නැන්ද කෙනෙක්
හතලිහ පැනලා තිබ්බත් නෑ
ඒකෙ වගක්
තවමත් බැදල නෑ පලදී
කරපු පවක්
එනමුත් ඇයට නෑ ඒකේ
වගේ වගක්


හැම සතියකම ඇය කරනා
වැඩක් ඇතී
සතියට දවස් තුන හතරක්
සැලුන් යතී
කේ.එෆ්.සී මැක්ඩොනල්ඩ්ස්
වලින් කතී
අඩි තුන හතර ඇවිද්ද තැන
දමයි හතී

නැන්දා වුවත් කියන්න බෑ
නැන්දා කියා
තවමත් පොඩි එකී වාගෙයි
ඉන්නෙ එයා
හුරතල් වදන් මුමුණයි ඇය
තොදොල් වෙලා
හොරෙන් තට්ටු කර දිව යයි
සිනා සලා

නැන්දා නිසා කියන්න බෑ
මට මොනවත්
එනමුත් විටෙක ඇය නම් මට
මහ ඇනයක්
ඇයගේ රුව ගුණට ගැලපෙන
කුමාරයෙක්
සොයලා දෙන්න පවසයි මට
මනාලයෙක්

මමත් ඉතින් හෙව්වා පව්
හින්දා එයා
අනේ කොහෙන්වත් හමු උනෙ
නැහැනෙ මෙයා
සැගවිලා ඉන්නෙ කෙහෙදෝ ඔබ
හැංගි හොරා
අරන් යන්නෙ කවද්ද අපෙ
සිවුරු හොරා

දින තුන්සිය හැට පහම කරනට
වැඩක් නැතී
නිකන් කකා බී සැපසේ
නිදිය හැකී
කිලෝ හාරපන්සීයක්
දැරිය හැකී
සත්ගුණවත් කෙනෙකු සිටි නම්
දහක් වටී

අසනා බලන දකිනා මෙය
සුපෙම්වතුන්
ඇතිවිනි නම් නැන්දා ගැන
පහන් සිතක්
මෙය ලියනා මා ගැන
අනු-කම්පාවක්
වහා එවන්නකො පුරවා
මේල් එකක්

ප.ලි :- සිතුවිල්ලක් පමණයි හරිය.........!!!!