ජීවත් වීමද........කරවීමද........??

උඹ මොකටද ජීවත් වෙන්නේ...?
කියලා නිකමට එකෙක්ගෙන් ඇසූ විට මං තරුවාට ලැබුණු පිළිතුර ඉපදුනු නිසා..යන්නය.
එතනින් එහාට කිසිවක් කීමට නොගිය නමුත් කී කතාවේ වැරැද්දක්ද නැති බව දෙතුන් පාරක් කල්පනා කරන විට මගේ සූටි මොල ඩිංගිත්තට වැටහුණි.බොහෝ  මිනිස්සු ජීවත් වෙන්නේ ජීවත් විය යුතු නිසාය. මැරුණෙ නැති නිසාය. එහෙමත් නැත්නම් වෙන කරන්න දෙයක් නැති කමටය.

ඇත්ත අපි ඔහේ ජීවත් වන්නෙමු. කොහොම හරි බඩගිනි වෙලාවට මොනවා හරි කන්නෙමු. අනිත් ඒවත් ඒ වගේම කර ගන්නෙමු.ඉතින් ජීවත් වෙන්න මේ ඇතිය. මොකද බොහෝ අය ඉන්නේ කන්නටය.
ජිවිතේ සමහර කාල වල හදවතට සමීප වන්නන් ඇගේ අතේ පයේ තියන හැම මඟුලම දාලා අල්ලා බැද තබා ගන්නෙමු. නිකන් හරි යන්න හැදුවොත් හොට්ට පෙරාගෙන අඩන්නෙමු. ජීවිතේ හැටිය. අපි කැමති , අපි ආසා කරන දේ ආදරේ කරන අය හැමදාම ලගන්ම තියා ගන්නය. එහෙම බැරි වෙන හැම වෙලේම අඩන්න පටන් ගන්නෙමු.

ඒත් සමහර අය අපිට ලංවන්නේ හොඳට වගේම සමහරු ජීවිතෙන් ඈත් වන්නේද හොඳටම විය හැකිය. කෙනෙක් තව කෙනෙක්ගෙන ඈත් වූ පලියට මෙච්චර කල් එකට ඉදලා දැන් අමතකයි පැවසීම හොඳ නැත. මොකද ඒ කෙනො එසේ කරන්නේ තමාගේම යහපතටද වන්නට පුළුවන. ඒත් මේ හැම දේකම දෙපැත්තක් ඇත්තේය. එය  නිවැරදිව දකින්නාට කිසිම දේකින් නොවැටී ඉන්නට පුළුවන. වැටුනත් තාවකාලිකය.

එත් අද මේ පෝස්ටුවෙන් ලොකුවට මොකුත් කියන්නට නොගියත් මම කියන්නට යන්නේ මෙන්න මේ ටිකය. මේක තේරුම් ගන්නන් සිටින තාක් කල් මේ ලෝකය ලස්සනට පවතිනවා ඇත.