කැසිල්ල....

ඉස්සර කිව්වේ ලෝකය ගෝලාකාරය මිනිස්සු විවිධාකාරය කියාය. බට් දැන් කියන්නෙ කැසිල්ල විවිධාකාරය කසන්නෝ ඒකාකාරිය කියාය. ලෝකය බිහිවූ දා පටන් අපිට සමීප කැසිල්ල කාලය ඔස්සේ ඉදිරියට පිය නගා අද වන විට ඒකාකාරී කසන්නන් පිරි විවිධාකාර වූ කැසීම් ඇති ගෝලාකාර ලොවකට පා තබා ඇත. කැසීම යනු කසන කාලය තුල ඉතාමත් සුවදායක වූත් කැසීමෙන් පසු දැවිල්ල හටගන්නා වූත් දැවිල්ලට නැවත විසඳුම කැසීම පමණක්ම වූත් කැසීම් දාමයකි. ඉස්සර වෛරයෙන් වෛරය නොසන්සිදේ කිව්වට දැන් කියන්නේ කැසිල්ලෙන් කැසිල්ල නොසන්සිදේ කියාය. ඒ..එදා මෙදා තුර කැසිල්ලේ පරිණාමයය.

කැසීම යනු මිනිස් ජීවිතයට ඉතාමත්ම සමීප ක්‍රියාවක්ය. අප කරන්නා වූ සෑම කටයුත්තකම පිටුපස කැසිල්ල සැගවී ඇත. උදාහරණයක් ලෙස ගත් කල මා කරන සෑම "බුල්" ක්‍රියාවකට පසුව මගේ මව් තුමිය පවසන්නේ පස්චාත් ප්‍රදේශය කසා ගැනීමට නියපොත්තක් නැති තෝ කැසිල්ලට කරගන්න වැඩ කියාය.
කැසීම ගත් කල මිනිසාට සහයෝගීතාවය කියාදෙන ප්‍රධානම සාධකයය. කොහේ කසාගත්තත් පිට කසාගැනීමට අපට තව එකෙක් අවශයමය. කසාගැනීමට අවශ්‍ය වූ විට අපි පොලිමට සිට එකිනෙකාගේ පිට කසාගත්තෙමු. පිට කස්සවා ගැනීමටවත් එකෙක් නැති උන්ට පිහිටට සිටියේ අඩිකෝදුවක් හෝ එවැනි යමක්ය. උං දුටු කල අනිත් කසන්නන් පවසන්නේ මල දවසට පෙට්ටියට කර ගහන්නනවත් හතර දෙනෙක් 

සොයා ගැනීම මුන්ට  අපහසු කටයුත්තක් බවය. මෙයින් ගම්‍ය වන්නෙ කැසීම සහ කසාගැනීම යනු මිනිස් ජීවිතයට ඉතාම සමීප දෙයක් බවය.

කැසීම කෙතරම් අපට වැදගත්ද යන්න වටහාගත් පිරිසක්ද අප අතර සිටී. ඒ නිසාම නොමිලේම අපට කැසිල්ල සහ කසාගැනීම කියාදීමට උන් සැදීපැහැදී සිටී. ඔවුන් නම් අපේ රටේ වාහිනී සහ නාලිකාය. නාලිකා කිව්වෙ අපේ ගෙදරට අල්ලපු ගෙදරට එහා ගෙදර ඉන්න මනුස්සයාගේ අහවල් එකී නොව අනිත් නාලිකා ගැනය. එකිනෙකාගේ පිට කසාගැනීම මිනිස් ජීවිතයට කෙතරම් වැදගත්ද යන්නත් එසේ කසාගන්නවුන්ට ලැබෙන දේවලුත් කසා නොගන්නන්ට නොලැබෙන දේවලුත් කසා ගැනීමේ ආදීනව වශයෙන් විවිධ වැඩසටහන් මගින් අපට කියා දෙයි. කසාගැනීම මිනිස් ජීවිතයට තවතවත් ලං කරලීමේ පරම පිවිතුරු චේතනාවෙන් මෙම වාහිනී කසාගැනීම නරඹන්නන්ට මුදල් තෑගිද පිරිනමයි. අපි නිකන් සිට කසාගැනීම ඉගන ගෙන අත පිරෙන්න , අරවා පිරෙන්න මුදල් හම්බකරගන්නෙමු. අපේ පැත්තේ ස්වයංරැකීයාවක් ලෙස කැසිල්ල ඉගනගෙන මෙසේ සල්ලි හම්බුකරන්නන් බිහිවීමද විරුකියාවට විසඳුමක් මෙන්ම කැසිල්ලේ තවත් සමාජ මෙහෙවරක්ය.
වෛද්‍යවරු පවා අනියමාර්ත කැසීමට බෙහෙත් ගැනීමට මා මුණගැහෙන්න. මම කැසීම පිළිබඳ අහවල් පට්ටම සහිතයි. මම ඉන්නේ මෙතනයි යනුවෙන් මේ දිනවල පෝස්ටර් පවා ගසන්නේ මෙම සමාජ මෙහෙවර තවත් ව්‍යාප්ත කිරීහේ හුදෙක් නිර්ලෝබී ජාතිකානු රාගී කුජීත හැඟීමෙන්ය. 

පස්චාත් ප්‍රදේශය කැසීමට නියපොත්තක් නැති උන් එම ප්‍රදේශයේ කැසිල්ලක් හටගත් වහාම නියපොත්තක් ඇති උන් සොයා යාම සුලබ දෙයක්ය. අනේ ඉතින් නියපොත්තක් ඇති වුන් පිං තකා අනෙකන්ගේ පස්චාත් ප්‍රදේශය කසන්නෝය. කසාගත් වහාම කසාගත් කෙනා හෙමිහිට මාරු වන්නේ කසාගත් තැන් වල සත්තු සරුපයි වත් ඉන්නේ නැතැයි කී ඉපැරණි කියමන සිහිවීමෙනි. ඕනෑම දේකට සීමාවක් ඇති බව කියන්නාක් මෙන්ම කැසිල්ලද ඕනෑවට වඩා ගියහොත් ඒක ලෙඩක්ය. කැසිල්පීඩියා සයිකොලෝබියා යනු එසේ කසාගැනීම ඕනිවට වඩා දුරට ඇදීයාමෙන් හටගන්නාවූ මෙතෙක් බෙහෙත් සොයාගෙන නැති රෝගයක්ය.කස කසා යනු මෙම රෝගීන්ගේ රෝගය අවම කරලිමට දෙන ඖෂධීය පානයක්ය. ඒ කාලේ නිවැරදිව කසාගැනීම සිදු නොකල උන් පිටමං කලා කියන්නේ කසකස්තානයටය.  කසාගැනීම ජෛව විවිධත්වයටද බලපාන ප්‍රධාන අංගයක්ය. ලෝකයේ කහඹිලියා ඇත්තේ කසාගැනීම නම් වූ අහවල් එක සොබාවධර්මයටද කියා දීමටය. සැම ක්‍රියාවකට මෙන්ම එම ක්‍රියාවෙන් පසු ඇතිවන ප්‍රථිපල සඳහාද බලපාන මූලිකම සාධකය කැසිල්ලය. එයට හොඳම උදාහරණය මම මෙවැනි ලියවිල්ලක් ලිව්වේද හුදෙක් 'කැසිල්ල' නිසාමය...